TAMURT

A kin aruɣ tabṛatt n wul n tayri n tmaziɣt, sarmeɣ imeslayen-a a k ɛeğben ma ur tettiliḍ ara seg widak iɣdeṛ yiḍes a Mass Amaziɣ . Llan wid iran ad rren tutlayt n tmaziɣt ar deffir, deɛɛun as yal ass, ttaddin as yal ass tixeftin, maca yal tikelt d nutni i tettaṭaf. Ad a kin iniɣ a Mass : mazal-iten di sin yemcumen nni, am widak iɛuzen tamaziɣt, am widak i s yeqqazen tasraft ... Maca d wid iɛuzen tamaziɣt i yğehden, acku, tamazɣa s umata i tt irefden : di Lezzayer, di Lmerruk, di Libya, amaḍal akw degs imaziɣen illeliyen, wigi ur qbilen ara azaglu. Tamaziɣt tura ur tiqqim kan di taddart, maca attan deg wsaka ɛlayen, iɣerbazen d yedlisen, d tiliẓṛi d l' internet, d aya i-yesalayen tutlayt, tamaziɣt attan gerasen . A Mass Amaziɣ, ur yessefk ara ad nesseḍḥi s yedles d tutlayt nneɣ yellan d aẓaṛ nneɣ aqbuṛ, iẓuṛan n tnettit, mačči am wid n llbaṭaṭa... Maca d iẓuṛan n wureɣ, ureɣ teẓṛiḍ meqqeṛ wazal is.