TAMURT

Tullizt-nouvelle.pdf

AṚEḤWI BU TIRGA

Tullizt-a «AṚEḤWI BU TIRGA » tettwakkes-ed deg wammud n tullizin AMUSSNAW, yura Amar Tafat, yewwi arraz yagi deg seggwas n 1997 ( arraz n lmulud n at maɛmmeṛ ), ladɣa di tullizt : Aṛeḥwi bu tirga ( extrait du receuille de nouvelle )

Tikkest-a tettwakkes-ed deg wammud n tullizin AMUSSNAW, yura Amar Tafat, yewwi arraz yagi deg seggwas n 1997 ( arraz n lmulud n at maɛmmeṛ ), ladɣa di tullizt : Aṛeḥwi bu tirga ( extrait du receuille de nouvelle )

1-Deg yiwen wakud di taggara n timiḍi agi, di taddart n tafat yeḍṛa wemɛay, yeḍṛa werway,

armi yenddem umussnaw di tmussni-s. Amussnaw tugges tasa-s mi ywala aɣref-is ur s igi

azal i tmussni d tutlayt n tyemmatt-is. Yettwali imdanen taɛṛeq-asen teqbaylit, tafṛensist ur

s ssawḍen, taɛṛabt ttutlayentt s tugdi ur tt gzan akken iwata, allaɣ nnsen yesbek am zzit nni

yeḥṛes wegris di tegrest. D acu i d yegwran deg weɣṛef anagar kra n umahil n iufassen d iḍa

ṛṛen.Di tallit agi mmaren akw ɣer weṣkay , d tiɣin n tmeziraz d ikustimen. Tɣat-iten-id fṛansa

s yedrimen ur uḥtamen, imir rzan ar ucebbeḥ n s-ufella ǧǧan agensu. Maca deg wgensu

krent tṛeɣlin, yekker bururu. Ttaṣken ixxamen yelhan, maca xuṣṣen di tisas, ixxamen nni

ttaṣken cuban iddayninen nni nnsen iɛejmiyen ttṛebbin. Yal yiwen ɣures nnig n mraw n wa

rraw-is, maca urwent-id kan i-akken ad ččen, ad ssḍen deg wegni, ur yelli i-wakken ad sner

nin aṣeggem n Ddunnit, ur yelli i-tmussni d tɣuri. D tidett ttakken arraw nnsen ar uɣeṛbaz, maca

annect-ai ur s gin azal meqwṛen, d awi - terreḍ kan, d aɛetteb-kan.Ulac win iṭṭafaṛen arraw-is s deffir, iḥeṛṛeṣ degsen akken ad ɣɣṛen , ulac win ibedden ɣef tefdent ɣef annect-a.                                                                                         

2-Ayen yesɛan azal di taddart ar imezdaɣ-is d iṣṣuṛdiyen, d tamuḥqṛanit garasen. Aṭas n

laɛyub i-ten yudfen: tixidas d usqizzeb d ucekkem d usmucceṛ d ttbenɛemmett ger wat

maten, d tjuɛal. Ṭṣen armi teggumma a tt qiṛ "Ccuka n Umussnaw ". Anagar at uddabu i-

nefɛen, wigi ḥesben-ten am tneqlin nnsen, melmi i-sen yehwa a d kksen ad ččen war ugur,

melmi i-sen yehwa a d ṛẓen ifurkan... Ma d amussnaw tekka nnig yixef-is, yenna ulac win i d-

yeslan, imegger-ed kan irebbi n wurfan.                                                                                                            

 Yiwwas iɛewwel ad iṭeṛḍeq, yerza ar wezrem s-ixef: isken-asen-ed iman nnsen, isken-

asen-ed udem nnsen illaw akken twalin, yura-d amezruy nnsen. Annect-a yenwa d ayen

ilhan, akken a ten-id yerr ar wallaɣ nnsen, a ten isejji. Inbbec-iten-id s yiwen umaggrad deg

weɣmis deg i d ittaru, yenna-yasen-ed: " taddart n tafat ur telli d tina n zik, tbeddel udem ar

twaɣit, ur telli d tina n zik yeččuṛen d ansayen d tmussni, fukken yergazen iferrun tilla d wid i-

d-iqqaṛen tidett i-akken a tt ṣeggem tmetti. Wigi n tura ssnen kan ad gen kra n temsal tiḥerfiyin,

tidak i-ysehlen i-wallus, amedya, ur qquddṛen igan imezwura meqqartik ad gen azal i-teqbaylit,

ur d snulfan amaynut, ad ddren degs di talwit, ur ddin d umaynut urupi, ad cbun imdanen yuẓen

ar zdat s wetrar. Nutni ɣillen ḍefṛen tajaddit, maca di tidett, cuban tidellaɛin nni immaren di

tlemmast n uɛeṛqub.Acku, imeggziyen i-ten izerwen ufan ur d-igwri segsen " bu meẓẓuɣ ", anef-ɛad i-yḍaṛṛen

d wanzaren. Uɣalen ula d tutlayt n tyemmatt nnsen ttɣanfintt, keṛhen ad as sslen, keṛhen                           

amussnaw-is.                                                                                                                                                    

3- D nutni a-yennan amagar: " awal n Yillew ar d-iqqimmen" Ahat ur ẓrin ara, s kra n wawal igerzen d awal Yillew ula d win-a, d anemgal, s kra n wawal ixeṣren d awal n yir amdan ( d awal n ciṭṭan ? Ahat d neyya ay degsen wigi ? Ugaden ad seɣlin azal n wawal Yillew. Maca wigi n tura ur ẓrin azal n wannect-a. Menyif ussan nni yezran, wala wigi deg nella.

" Tura tiwwura nni i-ymedlen, yiwen ur yerzi a tent id yelli; yiwen ur inuda d acu i-wumi ssefkent, anef ɛad ad nadin ɣef tsura nnsent yellan ddaw tmedlin : neɣ ɛad a-d-gen tiwwura s yiman nnsen. Ulamek ! Acku, i-wakken ad gen tiwwura, yessullef alama qqasen ( ktalen ) ar tidak imezwura nnsen, tili tidak ɣersent i-ttdeggiṛen afrasen, ɣersent i-ssusufen m' ara d zrin tama nnsent. Acku ur ẓrin ara azal nnsent, ur ẓrin ara syen i d ittek ubeḥri d tafat.

" Segmi tefra tegrawla ar da, yelli-yasen-ed Yillew yiwet n tewwurt, tawwurt n ubeḥri d tafat. Abeḥri d tafat ar isiferren tagut yecban ijdi, abeḥri d tafat ar i -isğuğgen ulawen, ar isidgen udmawen yummsen, udmawen ar i-myaaqalen. Abeḥri d tafat ar a d yerren tigzi, tigzi ar i-qaɛden imdanen i-yzelgen.Maca tawwurt-a ugintt, ar a tt regglen tifawt tameddit, ar a s ttdeffisen imsilen d iččerfufen... Teḍra-yasen am imelluza nni n zik, widak isaɛfnen tabaqit, imir imsex-iten Ṛebbi d ibkan. I syen ar zdat, ibkan ur ttnadin ara ad uɣalen d imdanen. Xeṣren am seksu yettwadehnen, ad immečč neɣ ad yismum.

  4-Maca amussnaw agi nɣant, ur teğğin ara ad yeg tiweqmi, acku u t gzin ara. Ur zrin ara d ayen yelhan i-sen ibudd, armi i-sen-d isken iman nnsen akka. Amussnaw agi d yiwen wemɣar nnsen aneggaru, i d luḥqen. Seg wasmi i-ten inbec ad akwin kerhent, asmi i-sen-d yerna asafu agi, kkren-as yiwwas nnɣant.Meknen-as sin ihuziyen, seɣlin-t-id yef uaaudiw-is m' i d yuɣal di ssuq. Γummen tasalt, nnan-as: " qaḥqa, yesseɣli-it-id uaadiw-is imi yesaa ccina, isbeḥ-as-d udɣaɣ deg wqeṛṛu, yemmut. Meḍlent s waya zdat weɣref n taddart. Maca ɣas yemmut umussnaw, tamussni ur tnegger ara, tamussni-s ur tengir ara, imi mazal a-d-lallen wid ar' irefden tamussni n umussnaw, mazal a-d-Llalen wid ara yellin tiwwura i-medden. Aṭas i-das yeqqaren: " ur ğğin ara imezwura ayen ar' a-d-inin ineggura ". Nek a d iniɣ, asmi ara yeqqar igenni ur d tɣelli degs tiqit n waman, imir ad qqaren ula d allaɣen, ad zemmen uma d imawen.

   Ma d tura skud ttazzalen issaffen, d- iɣezran d tliwa, mazal ad teɣli tmussni deg wallaɣen, ad tazzel deg yimawen d yedlisen. Acku, akken nella di Dunnit-a d agama, tamussni am aman. Ihi, tella teflut nniḍen n ubeḥri d tafat i-ten-id iquraan am yiṭij. Weraad kan i-d-yuli fellasen, weraad kan i d yesban iman-is. Taflut n ubeḥri d tafat ur gzan at taddart, sawalen-as : " Akɛab ", neɣ : "Arehwi Bu Tirga ". Akaab d isem i-s-i-tettayaṛen, imi ykes zik ulli. Wissen ayɣer i s sawalen akka ? Ma yella d Aṛeḥwi Bu Tirga anamek-is ɣures azal, acku seg wasmi meẓẓi yettargu tirga yetteffɣen. Ula d ayen ar' a yeḍrun d wagad i-s-d-izzin yettsal-i-t-id Rebbi fellas. Ihi yal tikelt ittalles-ed tirga-ines, ttwalin-tent medden melmi terḍiqent di yal tama.3)Maca ɣas walan aya, ur tettagwaden,

5 ur s fkan azal yessullfen, am uderwic i t ḥesben, d aya. Daɣ netta yegza iman-is, ijbed akkin iman-is fellasen. Sya ɣer da kan i-yettemllil d walebɛad degsen, m' a d yas ad yeẓd iẓid ar ɣures. Wamma tugett, neẓra akw d ssmid ay kkaten, ur tetten irden, ur ttnadin ɣef udem-is akken at zren.Tisirt-is tezga-d nnigsen, nnig taddart, ittwali-ten-id akw syen am temrayt, amek akw mehlen, amek akw ttutlayen, amek akw ttummren d wamek ttrun. Am akken isell-ed akw i-waya. Netta amahi-is d nutni d tessirt nni yeẓẓad. Akka i-s-d-inna Ṛebbi ttaga, d ayen i-s-d-immudd, akka i-t-id yuzen ɣersen.

  A ten yettqaraɛ, a ten yettsifi, i-wakken a ten yaɛnu yiwwas, a ten yessakwi. Yettrağu kan melmi ar' a d yewjed waɛbaṛ ineqqen d win isejjayen. A ten yerzu am zzit n tmurt ar' a yadfen s akerciw, akken ad yessuffeɣ hellejɣar yudfen amdan, win ar' a ynɣen amdan.Ad yadef tiẓgi and' ara yaf izmawen d yilfan d wuccanen, alama d taweṭṭuft, anda yessullef ad yenɣ, and' ara yesseqdec axxuten d imrigen n watmaten nnsen. Acku , ma yedda-yasen s talwit d weslufu, ad as teḍru am umussnaw amezwaru. Imeyyez, amdan ur nessullef a t yerr d aɛekwaz, ma ur yelli, ad iqeṭṭi degs.

 Netta d mussnaw, amrig-is d awal. Ayen din aya netta yettmeyyiz di lḥif nni uɣebbar i-deg yella. Yettmeyyiz yettaru awalen yesɛan anamek, yessekfal-ed inzan, isefra d tmucuha. Yesnulfuy-ed awalen d twinas , d isefra imaynuten. D tigi ar' ad naf meṛṛa deg yttafttaren nni-ines i-ɣef yettzemmim taflut nni n texzant. Yega-ten d umuɣ azal n wagim n wuṭṭunen...

...ittkemmil