Awal γef Sliman Σazem
Sliman Σazem illul di taddart Agwni Ggeγṛan, tama n iwaḍiyen. D yiwen n umedyaz ameqqṛan icennun s uẓawan aẓidan. Tizlatin-is meṛṛa γursent azal, ula d yiwet ur tt tettafeḍ txuṣ, d Illew i s yefkan aswir agi. Tizlatin-is s-umata d tamedyazt yesɛan anamek lqayen. Ulac amdan ara tafeḍ deg ymaziγen ur i-ysell ara i wmedyaz Sliman Σazem, d ameqqran neγ d ameẓyan, d argaz neγ d tameṭṭut. Yecna γef teqbaylit : "aqlaγ nettγenni, nfeṛṛeh, iibda a d iban ṣeh, γef teqbaylit yuli wass..." yecna γef tsartit n umaḍal :"terwi teberwi, iggumm'a d idheṛ yixef-is, terwi teberwi, labudd a ttaɛqel bab-is..." yecna γef tegrawla n 54: "effeγ ay ajṛad tamurt-iw..." yecna γef tudrin n leqbayel :"ay afṛux iferelles, a k ceyɛeγ awi-d ttbut..."yef tef tefsut :"19 meγres, yewwed-d tikuk..." yeccna γef Ddunnit, yecna γef tmeddurt, γef wergaz d tmeṭṭut : "tagi d yiwet lqeṣṣa, d ayen ḍṛan, wwiγ-d ttbut, ẓṛiγ a tterwum taḍṣa, yennuγ wergaz d tmeṭṭut...". A naf daγen yega aṭas
yega aṭas n tcequfin netta d Ccix Noṛeddin, tagad nni iseḍeṣayen, yal yiwet s wazal-is.
Tamedyazt yecna Sliman Σazem deg tama n unamek aswir-is ɛlay imi smuzguten-as yal aswir, yezga yella deg wallaγen, ttawin wuḥdiqen awal-is, am akken d amrig s wayes ttqabalen timsal n Ddunnit. A t naf yugem-d ar imarrawen n teqbaylit, yecban Si Muḥ u Mḥend(amedyaz ameqran, ladγa yerra-yas tajmilt) d Yusef u Qasi, d Sidi Qala, Laṛbi n At Wejɛud, Muḥend Azwaw...
Di temsalt n tutlayt, yecna s teqbaylit d wawalen ixelḍen d wid i d yekkan si taɛṛabt, maca ttumezγen.
S-umata, Sliman Azem a d nini d yiwen wemdan yukin ɣef zik n lḥal, yumen, a d yas wass a d yekker lbext n teqbaylit, d tmaziγt, acku fesus uqeṛṛuy-is, d imegzi, d uḥdiq, yesɛa imenzayen(il a des principes) ur yell'ara d ungif iḥrez ayen i d teğğa tnaṣlit. Ihi yuklal a s nerr tajmilt.