TAMURT

 Tikkes di teqsiṭ " AMSAWAL2 "

...Ccix Muḥend d Platon, Yusef-U-Qasi d Solon, ekker tura sfeḍ-iten, azal mačči d acuffu,

abḥal n utemmu, am win yeṭṭṣen yerra syen, ddunnit agi tettɣuṛṛu, a tt ɣibeḍ am cbirdu,

iḥbiben ur d ttmektayen...

teqqim-ed i-wakken a tt refden warraw-is meṛṛa si yal tama di Lezzayer neɣ di Tefriqt n Ugafa,

i-wumi nessawal Tmazɣa. Imassanen d imussnawen, imyura d imedyazen, d yeɣmisen d tesɣunin i d itteffɣen

s-umata. Neger-as tamawt, yal tikelt nettaf-itt tettwexiṛ, d wid nni kan iqeddcen acḥal-aya, i-nettaf yal tikelt, ula

d wid nettaf-iten neqsen tikwal, ur ten nettwali deg wennar am zik sɛan tagwnitt. Acku, yefka-d Ṛebbi wid ar

ittḥerrifen iḍaṛṛen, wid yessnen kan iman nnsen lḥemddu lilah " ṭṭfen tiɣaltin, irgazen ssusmen ay axiṛ, am akken

deg weɣzu ay qqnen ..." At wulac i-yesswan, ur tent tezwiriḍ ar uderru amezwaru, sɛan tadabutt i-wakken ad ssmeɣren iman nnsen, ad zwiren ar zdat s wulac; ṭṭfen tadabutt i-wakken ad ssimsen i-wid imehhlen s wul zeddigen;i-wakken ad sfeclen wid iǧehdden...Widak ittran taneṣlit nnsen, d widak tettra ula d nettat. Maca, akken yeḥṛec wuccen ,yal tikelt yettaf-ed win i t yugaren, wid iẓewṛen ugar-is" akken i s teddiḍ i Ṛebbi, ad ak iddu ".

Akken tnekṛeḍ wid ixedmen aṭas, ara tettwanekṛeḍ, ma txedɛeḍ atan kif-kif, ulayɣeṛ tarewla

ɣef tidett, ayen teǧǧiçḍ ak yeǧǧ ula d netta, ahat nettu amek ssengamen yergazen , amek

sḥillifen deg yberdan. Irna neẓṛa akw tidett ddewla n tmurt, ayen i s tettreḍ ahat ak t id tefk,

maca ayen igwran, nettat ur d tettnadi fellak, aṭas n temsal mazal ur tent id tefki i Tmaziɣt:

am iɣerbazen s-umata n tmaziɣt, yewwi-d fellasen ad ṣeggmen, aselmed-is ad yli i-Yzzayriyen

s-umata, am tutlayt n taɛṛabt - ad tili tkadimit anda ara berzent temsal yerzan tutlayt, d welmud

meṛṛa, d yedles - aqqaddeṛ i-wass amenzu n Yennayer ( 12 janγier ), asishel n temsal i-wsiẓṛeg

n wedlis amaziɣ.

Ma d ixeddim ɣef tutlayt n tmaziɣt, win i s diglan s kra n tfaliḥt, awu-d ukan, a s nini,

tajmilt-ik meqwret, ayen iga d tafaliḥt, igat di lfayda n tmurt, d ccan d wazal i s d irna, ur yelli d asenqes i s isenqes. Aɣamaṛ di tmurt nneɣ neɣ di tmazɣa, ur yelli anda yella,aqlaɣ d illeliyen d izarugen, ihi, yessefk a nili d imegziyen, am wagad irebḥen. Igwra-d

nekwni s imaziɣen yewwi-d a nesɛu allaɣ, a nettxemmim, garaneɣ a nemsefham, win

i d iwwin azref a t nwafeq.

Amar tafat, aneɣmas, aselmad n tmaziɣt, amyaru